भिम रावलको प्यानलबाट एमाले कैलाली जिल्ला अध्यक्षमा नेता भण्डारीको दावी
पुष २३ गते हुने नेकपा एमाले कैलालीको जिल्ला अधिवेशनमा नेता भिम रावलको प्यानलबाट नेत्र भण्डारी अध्यक्ष पदमा दावी गर्ने भएकाछन् । युवा संघका केन्द्रिय सदस्य भण्डारीले नेता रावलको प्यानलबाट अध्यक्षमा दावी गर्ने भएका हुन् ।
पहिलो र दोस्रो लहरको कोभिड १९ महामारीको बेला ‘जसको कोही छैन, उसको हामी छौँ’ भन्ने अभियान सञ्चालन गरेर भण्डारीले नागरिक माझ चर्चा कमाएका थिए । निषेधाज्ञाका कारण समास्यामा परेका नागरिकहरुलाई नेता भण्डारीले अभियान सञ्चालन गरी खाद्यान्न, अत्यावश्यक औषधी लगाएतको सहयोग गरेका थिए ।
भण्डारीको उम्मेदवारीको विषयमा नेपाल आजले गरेको संवादको सम्पादित अंशः
तपाई राजनितिक यात्राको बारेमा बताई दिनुस्न?
एलएलसी पास गरिसकेपछि २०५८ सालमा कैलाली बहुमुखी क्याम्पसबाट राजनितिक यात्रा सुरु भएको हो । स्व. रविन्द्र अधिकारी तत्कालिन अध्यक्ष भएको नेकपा मालेको विद्यार्थी संगठनबाट मैले राजनितिमा जोडिएको हुँ । अनेरास्ववियुको जिल्ला कमिटी सदस्य । २०६१ सालमा राष्ट्रिय युवासंघको जिल्ला कमिटी कैलाली सदस्य, अध्यक्षको उम्मेदवार भएर दुइवटा कमिटी गठन भयो जसमध्ये एउटा कमिटीको नेतृत्व मैले गरेको थिए । अन्चल कमिटी सदस्य, अन्चल कमिटी सचिव हुँदै युवा संघको केन्द्रिय सदस्य भएको छु । यसविचमा कैलाली जिल्लाबाट पार्टीको विभिन्न आन्दोलनको नेतृत्व गरेको छु ।
राजनितिमा कसलाई आदर्श मान्नुहुन्छ?
म नेपालको कम्युनिष्ट आन्दोलनमा मदन भण्डारीको जनताको बहुदलिय जनवादबाट प्रभावित भएको छु । त्यसैगरी भिम रावलको राष्ट्र र राष्ट्रियताको सम्बन्धि विचारबाट प्रभावित भएको छु ।
तपाईको उम्मेदवारी किन?
कैलाली जिल्लामा अहिले हाम्रो पार्टीको सिद्धान्त जनताको बहुदलिय जनवादको त्यो त बेचेर खाईसके, व्यापारी, गुण्डा, तस्कर, वेश्यावृर्तीमा लागेका हरुको हाबी भयो । पार्टीभित्र इमानदार मान्छेको मुल्यांकन छैन । संघर्ष गर्ने मान्छे, पार्टीभित्र दुःख गर्ने मान्छे, पार्टीमा पुरानो मान्छे विस्थापित भए । म पार्टी अध्यक्षमा आएपछि कम्युनिज्म बुझेका, माक्सवाद, लेलिनवाद बुझेका संघर्ष गर्ने मान्छे, पार्टीभित्र दुःख गर्ने मान्छेले टिकट पाउँछन् । पार्टीभित्र मेरो उम्मेदवारी पार्टी बनाउनका लागि हो ।
कोभिड १९ को समयमा तपाईले राहत वितरण कार्यक्रम गरेर चर्चा पाउनु भएको थियो । के कसरी राहत वितरण गर्नु भयोरु त्यती बेलाको अनुभव बताई दिनुस्न ।
हामीले कोरोनाको पहिलो र दोस्रो लहरमा ‘जसको कोही छैन, उसको हामी छौँ’ भन्ने अभियान सञ्चालन गरेर राहत वितरणका काम गरेका थियौँ । मेरा नजिकका आफन्त, मित्रहरुको सहयोग र मेरो व्यक्तिगत सहयोगमा सानो सानो रकम जम्मा गरेर अप्ठ्यारोमा परेका नागरिकलाई हामीले राहत वितरण गरेका थियौँ । मेरो श्रीमतीको खातामा भएको करिब डेढ लाख नगद समेत मैले कोरोना राहतमा वितरण गरेको थिएँ । सबै गरेर हामीले साढे आठ सय कुन्टल चालम, चार हजार लिटर तेल ३२ कुन्टल तेल तथा अन्य सामाग्री वितरण गरेका थियौँ । नागरिकको सेवा गर्न धेरै धनभन्दा ठुलो मन चाहिने रहेछ ।
तपाई अरु अध्यक्षका उम्मेदवार भन्दा किन फरक?
कैलाली जिल्लामा कम्युनिष्ट पार्टीका नाममा विकृती, विसंगती, गुण्डागर्दी गर्ने, व्यापारी मान्छेको बोलवाला छ । पार्टीभित्र इमान्दार र वर्गिय राजनिति गर्ने मान्छे आउनु पर्छ भन्ने मेरो मान्यता र एजेण्डा हो । म नेतृत्वमा आएभने इमान्दार मान्छेले टिकट पाउँछ । अहिले पार्टीमा लगानि लगाउने मान्छे धराशायी भयो । जसले सर्वहारा वर्गको नेतृत्व गर्न सक्छ त्यस्तो व्यक्ति अगाडी आउनु पर्छ भन्ने कुराका लागि मेरो उम्मेदवारी हो ।