चुनावको मुखमा गुरुराज घिमिरे अस्पताल भर्ना
नेपाली कांग्रेसका प्रभावशाली नेता गुरुराज घिमिरे अस्पताल भर्ना भएका छन्। चुनावको मुखमा डेंगु संक्रमण पुष्टि भएपछि उनलाई अस्पताल भर्ना गरिएको हो।
सत्ता गठबन्धनबाट मोरङका क्षेत्र नम्बर ३ (क) बाट प्रदेश सभाका उम्मेदवार रहेका घिमिरेलाई विराटनगरस्थित नोवेल मेडिकल कलेजमा भर्ना गरिएको जनाईएको छ। घिमिरेले डेंगु संक्रमणका कारण ज्वरो आएकै अवस्थामा निर्वाचन अधिकृतको कार्यालयमा पुगेर मनोनयन दर्ता गरेका थिए । उनी मनोनयन दर्ता सकेर अस्पतालमा भर्ना भएका हुन् ।
यसैगरी, मोरङ क्षेत्र नं. ४ (क) का उम्मेदवार शेखरचन्द्र थापालाई पनि डेंगु संक्रमण पुष्टि भएको छ। उनलाई पनि नोवेल मेडिकल कलेजमै भर्ना गरिएको छ।
