चीनको व्यापारिक केन्द्र सांघाईमा फेरी कोरोना संक्रमण वढेको छ। संक्रमित बिरामी बढेसँगै स्कुल , कलेज , शपिङ मल लगायतका ठाउँहरु बन्द गरिएको छ ।

सांघाईमा गत बुधबार पछिल्लो तिन महिना यताकै सबै भन्दा बढी संक्रमित थपिएका छन्। संक्रमितलाई हाल क्वारेनटाइनमा राखिएको छ । कोरोना (केस) बढेपछि कम्युनिटी ट्रान्समिसनले सांघाईका १६ मध्ये पाँच जिल्लाहरुमा लकडाउनको घोषणा गरेको हो ।

हाल लकडाउन घोषणा गरिएका जिल्ला मध्य सांघाईको पुडोग जिल्ला पनि समावेश छ , यही जिल्लामा सर्वप्रथम कोरोना संक्रमणको सुरुवात भएको थियो ।

अधिकांस देशहरु हाल कोरोना महामारीको संक्रमणका कारण जारी लकडाउन हटाउँदै गइरहेका छन्। तर, चीन भने हालसम्म कोरोना महामारीको चपेटाबाट मुक्त हुन सकिरहेको छैन । चीनले अझै पनि ‘शुन्य कोभिड नीति’ लाई कडाईका साथ लागू गर्दै आएको अवस्था छ ।

गत सोमबाटदेखि उत्तरी चीनको फेनयाङ सहरमा पनि लकडाउनको घोषणा गरिएको थियो । होहोटमा कोरोनाका कारण बाहिरबाट आउने मानिस र सवारी साधनलाई रोक लगाइएको छ । यति मात्र नभएर चीनमा पार्क, अफिस, पसल र सार्वजनिक स्थानमा प्रवेश गर्दा ७२ घण्टाभित्रको कोभिड नेगेटिभ रिपोर्ट देखाउनु अनिवार्य गरिएको छ ।