पर्साको हरियरपुरकी एक महिलाले तिम्ल्याहा वच्चा जन्माएकी छिन्। कालिकामाई गाउँपालिका–९ हरियरपुरकी कविता देवीले तिम्ल्याहा बच्चालाई जन्म दिएकी हुन् । 

वीरगञ्जको विर्तास्थित नारायणी सेन्टरल अस्पतालमा कविताले दुई छोरा र एक छोरीलाई जन्म दिएकी हुन।

अस्पतालका निर्देशक प्रा डा प्रमोदकुमार सर्राफका अनुसार तीन वटै बच्चा शल्यक्रियामार्फत जन्माईएको हो। अस्पतालका स्त्री तथा प्रसूतिरोग विशेषज्ञ डा प्रियङ्का चौधरीले कविताको शल्यक्रिया गरेकी थिइन् ।

तीन वटै वच्चाको स्वास्थ्य अवस्था सामान्य रहेको जनाईएको छ। अस्पतालमा तिम्ल्याहा वच्चा हेर्न तँछाड मँछाड छ।