नेकपा एमालेका अध्यक्ष केपी शर्मा ओलीले नेपाली कांग्रेससँग कुनै भिजन नभएकाले भाडाका वुद्धिजिविबाट घोषणा पत्र लेखाएको आरोप लगाएका छन् । 

झापामा आयोजित संयुक्त चुनावी सभालाई सम्बोधन गर्दै उनले कांग्रेसले चुनावी घोषणापत्रमा लेख्ने कुनै एजेण्डा नै नपाएको तर्क गरे। ‘कांग्रेसले काम केही गरेको छैन । उहाँहरूले सधैँ झैं घोषणापत्र त ल्याउनुहोला । भाडाको बुद्धिजीविले लेखिदिएको घोषणापत्र यहाँहरूले जनताको बीचमा छर्नुहुनेछ’ उनले भने–‘त्यो कुनै कांग्रेसको हुनेछैन । पटक–पटक सरकारको नेतृत्व गर्दा कुन एउटा राम्रो काम ग¥यो देखाउनुस् । २३÷२४ वर्ष सरकारको नेतृत्व गरेको छ । होइन भने हामीसँग सोधे हुन्छ । हामी सयौँ कुरा भन्नेछौँ ।’

झापा १ मा आयोजित राप्रपासँगको संयुक्त कार्यक्रममा सहभागि भएका ओलीले २३÷२४ वर्ष सरकारको नेतृत्व गर्दासमेत कांग्रेसले कुनै काम गर्न नसकेको आरोप लगाए । ‘देश विकास गर्ने एमाले एकातिर र अर्कोतिर देश बिगार्न साठगाँठ गर्ने गठबन्धनसँग मंसिर ४ गते हुने निर्वाचनका महासंग्राममा छौँ’ उनले भने–‘हामी जनता र देशका लागि के छौँ र भोलि के गर्नेछौँ भनेर बताइरहेका छौँ । गठबन्धनको भ्रमबाट मुक्त गराइरहेका छौँ ।’

जनतालाई गठबन्धनको दबाबबाट मुक्त गराउन लाग्न नेता–कार्यकर्तालाई ओलीले निर्देशनसमेत दिए ।