राष्ट्रिय स्वतन्त्र पार्टीका सभापति रबी लामिछानेले चितवन निर्वाचन क्षेत्र २ बाट उम्मेदवारी दिने घोषणा गरेका छन् । उनी आजै निर्वाचन आयोगमा उम्मेदवारी दर्ता गर्दै छन् । लामीछानेले चितवन २ बाट प्रतिनिधि सभाका लागि उम्मेदवारी दिँदै छन् । 

आजमात्रै चुनाव लड्ने निर्वाचन क्षेत्र निर्धारण गरेका लामिछानेले उनीसँग जोडिएको विगतएको एक घटनालाई स्मरण गरेका छन् । पत्रकार शालिकराम पुडासैनी आत्महत्या दुरुत्साहको आरोपमा लामिछाने पक्राउ परेका थिए । उनलाई जिल्ला प्रहरी कार्यालय चितवनले हिरासतमा राखेर अनुसन्धान गरेको थियो । 

निर्वाचन क्षेत्र घोषणा गर्दै लामिछानेले सामाजिक सञ्जालमा लेखेका छन्, ‘एउटा समय यस्तो थियो जब मलाई झुक्याएर राता रात भरतपुर चितवन पुर्याइयो र आधा रातमा हिरासतमा कोचियो । म आँखामा अन्योल र  आँसु बोकेर चितवन आएको थिएँ । अर्को समय आज छ, जहाँ म आफ्नै इच्छा र चाहनाले आँखा भरी सपना र समाज परिवर्तनको  योजना  बोकेर चितवन नै आएको छु । यस पटक म नफर्कने गरेर आएको छु । म चितवनले लगाएको गुण तिर्न चाहन्छु, जीवन भर  चितवनको मान्छे  बनेर । मंसिर ४ का लागि चितवन २ मेरो निर्वाचन क्षेत्र र  चुनाव चिन्ह घण्टी ।’

रबी लामिछाने