नेपाली कांग्रेसका संस्थापक नेता विश्वेश्वर प्रसाद कोईरालाकी नातिनी नायिका मनिषा कोईरालाले शुक्रवार पोखरामा आयोजित कार्यक्रममा सम्वोधन गर्दै राप्रपालाई मत मागेकी छिन् ।

कोइरालाले इमान्दार पार्टी राप्रपा भएकाले भोट दिन आग्रह गरिन। आफ्नो स्वास्थ्यले साथ नदिएको भन्दै केही मिनेटमात्र बोलेकी उनले राजेन्द्र लिङ्देनले नेतृत्व गरेको पार्टी मन परेकाले आफूले पनि साथ दिएको बताइन् ।

अन्य पार्टीका नेताहरुले वचन दिने, आशा दिने कार्य मन नपरेकाले राप्रपा नै ठीक लागेको उनको भनाई छ। राप्रपाले बीपी विचारलाई पछ्याएको कोईरालाले बताईन। ‘मैले राजेन्द्र लिङ्देनको भाषण सुनिरहेको छु । मलाई उहाँको भाषण निकै घत लाग्दछ’ उनले भनिन्–‘जब नेताहरु गाउँ पुग्छन्, गाउँमा चोर आयो भन्छ भन्ने शब्द मलाई साह्रै मन प¥यो ।’