गृहमन्त्री बालकृष्ण खाँणले गोप्य अध्ययन भन्दै आगामी निर्वाचनमा सत्ता गठवन्धनले १३१ क्षेत्रमा जित्ने दावीसहित प्रतिवेदनको खुलासा गरेका छन् ।

नेपाल दलित संघले शनिबार बुटवलमा आयोजना गरेको एक कार्यक्रममा बोल्दै मन्त्री खाँणले गोप्य तर भरपर्दो अध्ययनले कांग्रेससहितको ५ दलीय गठबन्धनले प्रतिनिधिसभामा १ सय ३१ सिट जित्ने सुनिश्चितता देखाएको वताए ।

प्रारम्भीक प्रक्षेपणका लागि गोप्य अध्ययन गर्दा अन्य २३ क्षेत्रमा पनि प्रतिस्पर्धामा गठबन्धन भएकाले र यसअघिको ठूलो दल एमाले २१ निर्वाचन क्षेत्रमा मात्रै अगाडि रहेको बताए । ‘गोप्य अध्ययनले १ सय ३१ क्षेत्रमा गठबन्धन विजयको माला पहिराउने गरी अगाडि देखिएको छ’ खाँडले भने–‘थप २३ क्षेत्रमा पनि प्रतिस्पर्धीका रुपमा गठबन्धन देखा परेको छ।’