काठमाण्डौंस्थित भारतीय राजदूतावासको स्वामी विवेकानन्द सांस्कृतिक केन्द्रले पशुपति मन्दिर परिसरमा ‘शिव पूजा’ कार्यक्रम सम्पन्न गरेको छ।

केन्द्रले पशुपति क्षेत्र विकास कोषसँगको सहकार्यमा सोमवार साँझ उक्त कार्यक्रम आयोजना गरेको हो । कार्यक्रममा स्वामी विवेकान्द सांस्कृतिक केन्द्रका कलाकारले परम्परागत नेपाली कुमारी नृत्य प्रस्तुत गरेका थिए।

पशुपति मन्दिरका मुल भट्ट गणेश रावलले उदघाटन गरेको उक्त कार्यक्रममा कलाकारले नृत्यमार्फत शिव र पार्वतीको एउटै रुप अर्धनारीश्वर र शिवको नटेश स्वरुप प्रस्तुत गरेका थिए ।

शिव नृत्यसँगै देवी र गणेशको नृत्य प्रस्तुत गरिएको थियो। कार्यक्रममा पशुपति क्षेत्र विकास कोषका अधिकारीलगायत दुई सय जनाको सहभागिता थियो।