ललितपुरका स्वतन्त्र उम्मेदवार डा. सचिन घिमिरे सात सुत्रीय माग राख्दै आमरण अनसन बसेका छन् ।

ललितपुर क्षेत्र नम्बर १ बाट राष्ट्रिय स्वतन्त्र पार्टीबाट घण्टी चिन्ह लिएर उम्मेदवारी दर्ता गराएका घिमिरे निर्वाचनकै पुर्वसन्ध्यामा आमरण अनसन बसेका हुन् । उनी चापागाँउ टाहाखेल चौतारामा आज देखि अनसन बसेका हुन् । यो उनको निर्वाचन क्षेत्रको केन्द्र हो ।

उनले ललितपुर क्षेत्र १ का निवर्तमान तथा उनका प्रतिश्पर्धी सांसद नवराज सिलवालले ल्याएको बजेट र खर्च विवरण सार्वजनिक गर्नुपर्ने पहिलो माग राखेका छन् ।  गोदावरी नगरपालिकाले तत्काल बाँदर ब्यबस्थापन गर्नु पर्ने, टाखेल चौतारा नजिक विद्युतको ट्रान्सर्फमर रुखमा छोएकोले तत्काल रुख काट्नु पर्ने माग घिमिरेको छ । 

त्यस्तै, चौघरेको गोमा थिङ र चन्द्रबहादुर तामाङको आर्थिक अवस्था कमजोर भएकोले स्थानीय सरकारले प्रबिधि शिक्षा निःशुल्क गरिदिनु पर्ने, अश्राङ लुकुनी बेसीकी भोजकुमारी सञ्जेलका दुई नाता नातिनीहरुको स्थानिय सरकारले लालनपालन र आवश्यक शैक्षिक खर्च ब्यबस्थापन गरिदिनु पर्ने घिमिरेको माग छ । 

त्यस्तै, कोञ्ज्योसोमका दलबहादुर बिश्वकर्मा घुडा रोगी, सुमन घेवा तथा बागमती माल्टाका स्मारिका मिश्र मृगौला पिडित सहितको उपचार स्थानिय सरकारले तत्काल गर्नु पर्ने र गोदावरी नगरले किशोरीलाई खुवाएको आइरन चक्कीको जनस्वास्थ्य औचित्य प्रमाणित गर्नुपर्नेजस्ता सात बुदे माग राख्दै उनी अनसन बसेका हुन् ।

घिमिरेले आफ्ना माग पुरा नभएसम्म आफ्नो अनसन जारी रहने बताएका छन् । उनी ललितपुर झरुवाराशीका बासिन्दा समेत हुन् ।

अनसन डा. सचिन घिमिरे