माधवकुमार नेपाल नेतृत्वको नेकपा एकिकृत समाजवादीका नेताको विरोध गरेको आरोप लागेका तीन जना कार्यकतालाई नेपाली कांग्रेसले कारवाही गरेको छ।

बारा निर्वाचन क्षेत्र नम्बर ४ मा लोकतान्त्रिक वाम गठबन्धनका उम्मेदवार रहेका कृष्णकुमार श्रेष्ठ (किसान) विरूद्ध प्रचारप्रसार गर्ने तीन जनालाई कांग्रेसले निलम्बन गरेको छ। निलम्वनमा पर्नेहरुमा कांग्रेसका जिल्ला उपसभापति अमिरीलाल राउत भेडियर, सदस्य हरिप्रसाद थपलिया र क्षेत्रीय प्रतिनिधि सुशील ढोडारी छन्।

केन्द्रीय अनुशासन समितिले शनिबार नेकपा एकीकृत समाजवादीका किसानविरूद्ध लागेको भन्दै उनीहरुलाई निलम्वन गरेको संयोजक आनन्दप्रसाद ढुंगानाले बताए । उनीहरू किसानविरूद्ध लागेको उजुरी पाएपछि कांग्रेसको विधान, २०१७ (संशोधन सहित)को धारा (३४) बमोजिम समितिले पार्टीको सदस्यता नरहने गरी निलम्बन गरेको हो।