नेत्र विक्रम चन्द विप्लव नेतृत्वको नेपाल कम्युनिस्ट पार्टी बझाङले एक व्यक्तिलाई नियन्त्रणमा लिएको छ । सोमबार दुर्गाथली गाउँपालिका ४ का धने जोशीलाई नेकपाले नियन्त्रणमा लिएकाे हाे । 

जोशीले दुर्गाथली गाउँपालिका वडा नं ३ बिजाडा र वडा नं ४ सेलागाउँमा जलस्रोत तथा स्थानीय र प्रदेश सरकार द्वारा सञ्चालित  रनफोल खानेपानी आयोजनामा लाखौ रकम भ्रष्टाचारको आरोप उनीहरूको छ । 

रनफोल खानेपानी उपभोक्ता समिति अध्यक्ष रहेका जोशीले रकम भ्रष्टाचार गरी फरार रहेको उजुरी परेपछि खोजी गरेको जिल्ला सेक्रेटरी प्रविन सिले जानकारी दिए । 

‘उजुरी परेपछि जिल्ला इन्चार्ज बिराट सीको नेतृत्वमा खटिएको टोलीले जोशीलाई पक्राउ गरेकाे प्रविनले बताए । 

‘जोशीलाई नियन्त्रणमा लिएपछि खानेपानी उपभोक्ताहरूको रोहबरमा  इलाका प्रहरी कार्यालय दुर्गाथलीमार्फत जिल्ला प्रहरी कार्यालय बझाङलाई बुझाएका छौँ । जोशीले खानेपानीको योजना अलपत्र पारेका छन् । लाखौँ बजेट लगानी भएको खानेपानी योजना अहिले अहिले बन्द अवस्थामा छ,’ प्रविनले भने, ‘छिटोभन्दा छिटो उक्त खानेपानी सञ्चालन गर्न सम्बन्धित पक्षलाई सचेत गराएको छौँ । साथै आरोपीलाई आवश्यक छानबिन गरी तथ्यसत्य सार्वजनिक गर्न सम्बन्धित निकायसँग जोडदार माग गरेका छौँ ।’

 

नेकपा विप्लव धने जाेशी