गठबन्धन गरेर सिट बाँडफाँड गरेका सत्तारुढ दलका नेता कार्यकर्ताहरू एकअर्कालाई घोचपेच गर्न थालेका छन् । भागवण्डा अनुसार गठबन्धनका उम्मेदवार पराजित हुन थालेपछि घात गरेको आरोप एक पार्टीका कार्यकर्ताले अर्काे पार्टीका कार्यकर्तालाई लगाउन थालेका छन् । 

मत परिणाम आउँदै गर्दा नेपाली कांग्रेसले मुलुकभरि अग्रता लिएको छ । माओवादी केन्द्र र एकीकृत समाजवादीलाई भने गठबन्धन नफापेको भन्नेहरू पनि थपिन थालेका छन् । उपत्यकामा गठबन्धनबाट चुनाव लडेका माओवादी केन्द्र र एकीकृत समाजवादीले नराम्रो हार व्यहोर्नु परेको छ । तर, नेपाली कांग्रेस भने सन्तुष्ट नै छ । काठमाडौँबाट गगन थापा, प्रकाशमान सिंह, सन्तोष चालिसे, प्रदिप पौडेल, राजेन्द्र कुमार केसी निर्वाचित भएका छन् । ललितपुरबाट उदयशमसेर राणा निर्वाचित भएका छन् । 

नेपाली कांग्रेसले घण्टी (राष्ट्रिय स्वतन्त्र पार्टी)सँग साझेदारी गरेको नेकपा माओवादी केन्द्रका युवा नेता दीपशिखाले आरोप लगाएका छन् । त्यतिमात्रै नभएर दीपशिखाले नपाली कांग्रेसका महामन्त्री गगन थापालाई ‘कालो कांग्रेस’ भन्दै घोचपेच गरेका छन् । 

दीपशिखा लेख्छन्, ‘नेपाली कांग्रेसका नेता मित्र गगन थापाले खगेन्द्र संग्रौलामाथि लेखिएको उज्ज्वल प्रसाईको पुस्तक विमोचनले भनेका थिए– म कालो कांग्रेस हुँ!’  हो रहेछ, ‘तपाई र तपाईंको टिमले घण्टीसँगको साझेदारीमा हामी गठबन्धनका सहयात्रिहरुलाई मज्जाले हराउनुभयो । तपाईलाई आगामी यात्राको शुभकामना!’ उनले अगाडि थपेका छन्, ‘हामी जनमतको उच्च कदर गर्दै परिणामलाई सहर्ष स्वीकार गर्छौ, तर यति कुरा दर्ज गरिराख्नपर्ने भएर लेखियो ।’

काठमाडौं  निर्वाचन क्षेत्र २ मा गठबन्धनकी उम्मेदवार ओनसरी घर्तीलाई हराउँदै स्वतन्त्र पार्टीबाट सोविता गौतम निर्वाचित भएकी छन् । 

काठमाडौं निर्वाचन क्षेत्र ७ मा गठबन्धनकी उम्मेदवार मानुषी यमी भट्टराईलाई हराउँदै राष्ट्रिय स्वतन्त्र पार्टीबाट गणेश पराजुली निर्वाचित भएका छन् । 

त्यस्तै काठमाडौँ निर्वाचन क्षेत्र ७ मा गठबन्धनबाट एकीकृत समाजवादीका उम्मेदवार जीवनराम श्रेष्‍ठलाई हराउँदै राष्ट्रिय स्वतन्त्र पार्टीका उम्मेदवार हरिभक्त श्रेष्ठ निर्वाचित भएका छन् । 

ललितपुरमा गठबन्धनबाट नेपाली कांग्रेसका उम्मेदवार उदयशमशेर जबरा निर्वाचित भइरहँदा सँगैको क्षेत्र ३ मा भने पम्फा भुसाल पराजित भइन् । राष्ट्रिय स्वतन्त्र पार्टीकी तोसिमा कार्कीले भुसाललाई पराजित गरेकी छन् । 

 

 

गगन थापा दीपशिखा