नेकपा एकीकृत समाजवादीका अध्यक्ष माधवकुमार नेपालले अबको सरकार कसको नेतृत्वमा बन्छ भन्ने विषय स्पष्ट नभएको वताएका छन्।

बिहीबार रौतहट १ बाट निर्वाचित भएपछि पत्रकारलाई प्रतिक्रिया दिँदै नेता नेपालले यस्तो बताएका हुन। चुनाव जित्नुमा आफनो इमानदारी, निष्ठा र  जनताको विश्वास प्रमुख कारण रहेको उनले वताए ।

चुनावको परिणाममा भने उनी खासै सन्तुष्ट देखिएका छैनन्। सोचेभन्दा कम मत आएको उनले वताए । ‘यो हामीले सोचेभन्दा कम मत परिणाम हो। हाम्रा कमी–कमजोरी भए होलान्। तिनलाई अब सुधारेर जानुपर्छ’ नेपालले भने।

नेकपा एकिकृत समाजवादीले हालसम्म प्रतिनिधिसभामा ७ स्थानमा जितेको छ भने ३ स्थानमा अग्रता लिइरहेको छ।