प्रचण्डको ओभर कन्फिडेन्सः मेरा प्रतिस्पर्धी को हुन भन्ने नै पत्ता लागेको छैन
नेकपा माओवादी केन्द्रका अध्यक्ष पुष्पकमल दाहालले गोरखा २ मा आफु विरुद्ध प्रतिस्पर्धी को हो भन्ने नै पत्ता नलागेको वताएका छन् ।
गोरखा सदरमुकाममा आयोजित पत्रकार सम्मेलनमा दाहालले गोरखा २ मा आफनो प्रतिस्पर्धी नै नभएको वताए । ‘मैले त वास्तवमा कोही पनि प्रतिस्पर्धी नभएजस्तो मानेको छु। प्रतिस्पर्धी मैले पत्ता लगाउन सकिनँ,’ उनले भने, ‘प्रतिस्पर्धी देखेको पनि छैन, चिनेको पनि छैन।’
चुनाव तयारी क्रममा गोरखामा रहेका दाहालले आज मात्रै ५ वटा सभालाई सम्बोधन गरेका छन्। गोरखामा ४४ वटा सभा गर्दा आफूले प्रतिस्पर्धी को हुन् भन्ने पत्ता लगाउन नसकेको उनको भनाइ थियो।
गोरखा २ मा नेकपा एमालेबाट अब्दुस मियाँ, राप्रपाबाट सुशील पन्त, नेपाली कांग्रेस बिपीबाट टीकादत्त पोखरेललगायत उम्मेदवार छन्।
