अहिले इन्टरनेटमा ‘च्याट जिपिटी’बारे प्रयोगकर्ताहरूको आकर्षण बढ्दो छ। च्याट जिपिटीले गुगललाई समेत चुनौती दिन थालेको छ।

गत नोभेम्बर ३० मा सार्वजनिक च्याट जिपिटी एक आर्टिफिसियल इन्टेलिजेन्टस (एआई) मोडल हो जसलाई प्रयोगकर्ताले कुनै पनि विषयमा प्रश्न सोध्न सक्छन्। र, यसले प्रयोगकर्ताको प्रश्नको उत्तर निकै सहज रुपमा दिन्छ।

इन्टरनेट पहुँच भएका प्रयोगकर्ताहरूलाई अहिले कुनै पनि विषयमा जानकारी चाहेमा गुगल सर्च इन्जिन प्रयोग गरिरहेका छन्। च्याट जिपिटीको सबैभन्दा ठुलो चुनौती हाल गुगलका लागि नै मानिएको छ । हामीले हाल संसारको सबैभन्दा शक्तिशाली खोज इन्जिनको रूपमा प्रयोग गर्दै आएको गुगललार्ई च्याट जिपिटीले चुनौती दिन सक्ने विश्लेषण गरिएको छ । यसले प्रश्नहरूका उत्कृष्ट जवाफहरू प्रदान गरेर गुगलको लागि वित्तीय विपत्ति ल्याउन सक्छ।

च्याट जिपिटी गुगल खोजसँग मिल्दोजुल्दो धेरै चीजहरू छन् । इन्टरफेस अनिवार्य रूपमा समान छ । च्याट जिपिटी वेब ब्राउजर होइन । तपाईँले खोजिरहनु भएको विषयको बारेमा लेखहरूको लागि यसले इन्टरनेट स्क्यान गर्न सक्दैन । च्याट जिपिटी र गुगल दुवैले इतिहास, विज्ञान वा रेसिपीहरू जस्ता सामान्य विषयहरूमा जानकारी प्रदान गर्न सक्छन् । तर, च्याट जिपिटीसँग विषयहरूको बारेमा सूक्ष्म रूपमा कुरा गर्ने क्षमता छ ।

कथाहरू जस्तै रचनात्मक सामग्रीको अतिरिक्त, च्याट जिपिटीले तपाईँलाई तर्क र रायहरू पनि दिन सक्छ जुन गुगलले वास्तवमै सक्दैन । यस कारणले गर्दा च्याट जिपिटीको तुलनामा गुगल प्रयोग गरेर जानकारी प्राप्त गर्न धेरै समय र प्रयास खर्च गर्नुपर्ने हुन्छ । विषयको आधारमा, च्याट जिपिटी सम्भावित रूपमा अनुसन्धानको लागि धेरै राम्रो उपकरण हो । च्याट जिपिटीले गुगलको तुलनामा उत्कृष्ट र प्रशोधित जवाफ दिने क्षमता राख्दछ । 

गुगलले फगत अरबौँ वेब पृष्ठहरू क्रल गरेर त्यो सामग्रीलाई क्रमिक गर्दै सबैभन्दा सान्दर्भिक लिङ्कको सूची उपलब्ध गराउँदछ छ । त्यसपछि उपलब्ध लिङ्कभित्र गएर खोज गर्नु पर्दछ । तर, च्याट जिपिटीको काम गर्ने शैली गुगलभन्दा सयौँ गुणा सहज छ । 

च्याट जिपिटीमा सोधिएका प्रश्नको जवाफ खोज र जानकारीको संश्लेषणमा आधारित हुन्छ । च्याट जिपिटी लाखौँ वेबहरूबाट आवश्यक सूचना सङ्कलन गरेर प्रशोधित उत्तर प्रदान गर्ने गर्दछ ।

उदाहरणको लागि, तपाईं कुनै सरकारी तथा गैर सरकारी संस्थाका लागि कुनै निवेदन लेख्न चाहानु हुन्छ। अब तपाईंले च्याट जिपिटीमा उक्त विषयमा निवेदन लेख्न निर्देशन दिनुभयो भने च्याट जिपिटीले तपाईंको निवेदन केही सेकेन्डमै तयार पारिदिन्छ। यसरी तयार पारिएको निवेदनमा कार्यालयको नाम, ठेगाना, निवेदकको नाम इत्यादी खाली हुन्छ। जुन तपाईले भर्नु पर्ने हुन्छ।

च्याट जिपिटीले कुनै पनि कम्प्युटर कोडिङदेखि हिसाबहरू पनि गरिदिन्छ। च्याट जिपिटी एआई च्याटबोट हो। सन् २०१५ मा आर्टिफिसियल इन्टेलिजेन्टस (एआई) लाई विकास गर्न स्थापित संस्था ओपन एआईले च्याट जिपिटी सार्वजनिक गरेको हो। ओपन एआई अनुसन्धान प्रयोगशाला हो।

ओपन एआईका अध्यक्ष तथा सह–संस्थापक ग्रेग ब्रोकम्यानका अनुसार च्याट जिपिटी परिक्षणको रूपमा सार्वजनिक भएको ५ दिनमै यसको १० लाख प्रयोगकर्ता थिए।  यो कम्पनीको जिपिटी ३ दशमलव ५ प्रविधि मोडेलमा आधारित छ। यसलाई मानवजस्तै कुराकानी गर्न, उनीहरूको प्राकृतिक भाषा बुझ्न र प्राकृतिक भाषामा जवाफ दिनको लागि तयार पारिएको हो। 

ओपन एआईका अनुसार अझै पनि च्याट जिपिटी पूर्ण रूपमा सिद्ध भने भएको छैन। यसबारे कम्पनीको परिक्षण चलिरहेको छ। च्याट जिपिटी चलाउन प्रयोगकर्ताले सुरूमा आफ्नो इमेल ठेगाना र सम्पर्क नम्बर हालेर आफ्नो खाता बनाउनुपर्ने हुन्छ। यसपछि प्रयोगकर्ताको नम्बरमा यसले भेरिफिकेसन कोड पठाउँछ। सो कोड हालेपछि मात्रै च्याट जिपिटी चलाउने पहुँच प्रयोगकर्ताले पाउनेछन्।