फागुन १९ लाई रिलिज मिति घोषणा गरिएको दीपकराज गिरी तथा दीपाश्रीले बनाउने भनेको ‘छक्का पन्जा ४ ’को पुनः सुटिङ भईरहेको छ। यसको छायाँकन अझै सकिएको छैन।

पहिलो चरणको छायांकन सकेर सम्पादनमा केही चित्त नवुझेका दृष्यहरुलाई पुन सुटिङ गरिएको जनाईएको छ। फिल्मको रिसुटलाई लिएर अनेक टिप्पणी भइरहदा फिल्मका निर्माता दीपकराज गिरीले भने यसलाई सामान्य कुरा भनेका छन्। 

सम्पदानका क्रममा चित्त नबुझेको दृश्य यस अघिका फिल्ममा पनि पुनः सुटिङ गरिएको बताएका गिरीले भनेका छन् ‘यो हाम्रो फिल्ममा नयाँ कुरा होइन्। फिल्मका केहि दृश्य चित्त बुझेको छैन्, त्यसलाई हामी रिसुट गर्छौँ ।’

गिरीकै लेखन रहेको यो फिल्मको निर्देशन हेमराज बिसीले गरेका छन्। आफ्नो फिल्मले कमाईमा रेकर्ड ब्रेक गर्दै आएकाले पनि यो फिल्मबाट दीपकको ठूलो अपेक्षा रहेको छ। फिल्ममा दीपक–दीपाका साथमा केदार घिमिरे, बेनिशा हमाल, मलिना जोशी लगायतका कलाकारले अभिनय गर्नेछन्।