अमेरिकी सहयोग परियोजना (एमसीसी) का विषयमा सहमति जुटाउँन जम्मा भएका शिर्ष नेताहरुलाई निरासा नै हात लागेको छ।

शनिबार गठबन्धनका शीर्ष नेताहरु प्रधानमन्त्री शेरबहादुर देउवा, पुष्पकमल दाहाल ‘प्रचण्ड’ र माधवकुमार नेपालबीचमा एमसीसीका विषयमा बालुवाटारमा छलफल भएको थियो। तर, उनीहरुको छलफल निस्कर्षमा पुग्न सकेन।

एमसीसी, स्थानीय तहको निर्वाचन र फागुन २ गतेको संसद बैठक सार्ने विषयमा कुरा गर्न माओवादी केन्द्रका अध्यक्ष पुष्पकाल दाहाल प्रचण्ड र नेकपा एकीकृत समाजवादी पार्टीका अध्यक्ष माधव कुमार नेपाल प्रधानमन्त्री शेरबहादुर देउवालाई भेट्न बालुवाटार पुगेका थिए ।

प्रचण्डको सचिवालयका अनुसार एमसीसीका विषयमा शीर्ष नेताहरुबीच सहमती जुट्न सकेन् । नेकपा एमालेले २ गतेको बैठक सञ्चालन नगर्न आग्रह गरेपछि प्रचण्ड र नेपालले ४ गते बैठक राख्न सकिने सुझाव पनि प्रधानमन्त्रीलाई दिएका छन् ।

नेपाली कांग्रेस एमसीसीको पक्षमा छ भने माओवादी एमसीसी संशोधन गरेर मात्रै संसदबाट पारित गर्नुपर्ने लाइनमा छ । नेकपा एसले भने एमसीसीको विरोध गर्दै आएको छ। प्रधानमन्त्रीले एमसीसीका विषयमा प्रमुख प्रतिपक्षी दलका नेता तथा एमाले अध्यक्ष केपी शर्मा ओलीसँग पनि छलफल गरिरहेका छन् ।

तर, ओलीले भने सत्ता गठवन्धनमै एमसीसीका विषयमा एक मत नभएकाले पहिलो सरकार त्यसका लागि तयार हुनुपर्ने वताउँदै आएका छन् ।

प्रधानमन्त्री देउवा र माओवादी अध्यक्ष प्रचण्डले एमसीसीलाई संसदबाट पारित गराउने प्रतिवद्धतासहित लेखेको पत्र बाहिरिएपछि यसबारे आमचासो बढेको छ ।

यो पनि

एमसीसी प्रकरण चर्कियोः देउवा प्रचण्ड र माधब नेपाल वालुवाटारमा

एमसीसी