काठमाडाैँ – गिलगित-बाल्टिस्तानमा पाकिस्तानी सरकार तथा सेनाविरुद्ध प्रदर्शन भएकाे छ । पाकिस्तानी सरकार तथा सेनाले गिलगित-बाल्टिस्तानमा जबरजस्ती जग्गा अधिग्रहण गर्न थालेपछि प्रदर्शन भएकाे हाे ।

सेनाले जबरजस्ती जग्गा अधिग्रहण गर्न थालेपछि गिलगित-बाल्टिस्तानका स्थानीयले विरोध र्‍याली पनि निकालेका छन् । साे क्रममा पाकिस्तानी सेना र स्थानीय जनताबीच झडप भएको थियो। स्थानीय बासिन्दाले सेनामाथि ढुंगामुढा गर्नुका साथै सेना विरोधी नारा लगाएका थिए ।

पाकिस्तानी सेनाले गिलगितको नोपुरा गाउँ नजिकैको ५०० नहर जमिन जबरजस्ती कब्जा गर्न खोजिरहेको छ। 
यो जग्गा हाल गिलगित-बाल्टिस्तानको नोपुरा गाउँको स्थानीय जनसंख्याको स्वामित्वमा छ ।

गिलगिट-बाल्टिस्तानमा विद्यमान भूमि कानूनको विरुद्ध यहाँ जनता निरन्तर असहमति जनाइरहेका छन्। जनता पुरानो खालसा सरकार (राज्य भूमि) नियम १९७८ र त्यसपछिका कानुनहरू खारेज गर्न माग गरिरहेका छन् । यस ऐनअनुसार राज्यका सबै बाँझो जग्गा सरकारी स्वामित्वमा रहेकाले प्रतिष्ठानले स्थानीयको अधिकार जबरजस्ती खोसिरहेकाे छ ।

पाकिस्तानी सेना र सरकारले स्थानीय जनताबाट ती जग्गा अधिग्रहण गरी जबरजस्ती बेदखल गरिरहेका छन् । ती जग्गाहरूमा स्थापना भएका नयाँ कार्यालयहरूमा गैरगिलगित-बाल्टिस्तानी मानिसहरुलाई सरकारी कर्मचारीले रोजगारीको सिलसिलामा भित्र्याइरहेका छन् । यसले यस क्षेत्रमा जानाजानी जनसांख्यिकीय परिवर्तनलाई संकेत गरिरहेकाे छ ।