चर्चित नायिका रेखा थापाले गरिन दोस्रो विवाह, पतिको रुपमा ‘बलराम’
चर्चित नायिका रेखा थापाले दोस्रो विवाह गरेकी छिन् । रेखाले केही दिनअघि बलराम शाहीसँग कोर्ट म्यारिज गरेकी हुन्।
उनीहरूले काठमाडौं जिल्ला अदालतमा पुगेर विवाह गरेका हुन्। हाल अमेरिका बस्दै आएका शाही र रेखाबीच लामो समयदेखि प्रेम सम्बन्ध रहेको खुलेको छ।
रेखाको निर्माता छविराज ओझासँग १० वर्षअघि डिभोर्स भएको थियो। नायिका रेखा थापा र निर्माता ओझाविच अलग भएको करिब ४ बर्षपछि औपचारिक रुपमा डिभोर्स भएको थियो।
छवि आफैले नै रेखासँग डिभोर्सका लागि हतार गरेका थिए । रेखा र छवि करिब १० बर्ष एकसाथ बसेपछि अलग भएका हुन।
चर्चित अभिनेत्री थापा हाल राजनीतिमा सक्रिय छिन्। उनी गएको मंसिरमा राष्ट्रिय प्रजातन्त्र पार्टीको महामन्त्रीमा उठेर पराजित भएकी थिइन्। उनी कुन्ती शाहीसँगको प्रतिस्पर्धामा पराजित भएकी हुन् ।
शाहीले २ हजार ८ मत ल्याएर विजयी हुँदा थापाले १ हजार ६ सय ४० मत पाएकी थिईन ।
