वर्खास्त हुने थाहा पाएपछि असक्षम प्रअको राजिनामा, आर्थिक अनियमितताबारे छानविन हुने
बझाङको छबिस पाथिभेरा गाउँपालिका वडानं ०७ स्थित मजखोरी माध्यामिक विद्यालयका प्रधानाध्यापक जनक बोहराले आइतबार पदबाट राजिनामा दिएकाछन् । विद्यालय व्यवस्थापन समितिले आर्थिक अनियमितताको आरोपमा बोहरालाई पदाबाट बर्खास्त गर्ने सहमति गरेपछि उनले राजिनामा दिएकाहुन् ।
विद्यालयको प्रशासन सञ्चालन गर्न नसकेको भन्दै गत मंसिरमा बोहराले आफुलाई असक्षम प्रअ भएको स्विकार गरेका थिए । नेपाल आजसँगको संवादमा बोरराले आफु असक्षम भएको बताएका थिए ।
मंसिरमा शैक्षिक प्रशासन सञ्चालन गर्न नसकेको असक्षमता व्यक्त गर्दै बोहराले केही दिनभित्र राजिनामा दिने घोषणा गरेका थिए यद्यपी उनले करिब तिनमहिना पश्चात राजिनामा दिएका हुन् । ‘म यहाँको असक्षम प्रअ हुँ । यहाँका शिक्षकले मैले भनेको मान्दैनन् । प्रशासन चलाउन निकै गाह्रो भयो । अब केहि दिनमा राजिनामा दिन्छु ।’ उनले भनेका थिए ।
प्रअबाट राजिनामा दिएको जानकारी बोहराले फेसबुकमा लेखेकाछन् । छविसपाथिभेरा गाउँपालिका ०७ का वडाध्यक्ष पदम मण्डेलले समेत बोहराले राजिनामा दिएको र उनको राजिनामा स्विकृत भएको बताए । बोहराले पदबाट राजिनामा दिएपनि उनको कार्यकालमा भएको आर्थिक अनियमितताको बारेमा भने छानबिन हुने वडाध्यक्ष मण्डेलको भनाई छ । उनी भन्छन्, ‘विद्यालय व्यवस्थापन समितिले बोहरालाई बर्खास्त गर्ने सहमती गरेको थियो । उनले कार्यकालमा आर्थिक अनियमितता गरेको भनेर प्रश्न उठ्ने गरेका छन् । यद्यपी प्रअबाट बर्खास्त हुनुभन्दा अगाडि नै राजिनामा दिएकाछन् । तर पनि उनिमाथि लागेका आर्थिक अनियमितताका विषयमा भने छानविन गरिने छ । गाउँपालिकाबाट पनि आर्थिक अनियमितताको बारेमा छानविन गर्नु भनेर आदेश आएको छ ।’
विद्यालय व्यवस्थापन समिति अध्यक्ष हिमाल धामीले प्रअ बोहराको राजिनामा स्विकृत गरेको जानकारी दिएकाछन् । आइतबार विव्यस अध्यक्षले बोहराको राजिनमा स्विकृत गरेको बताए ।
बोहरा प्रधानाध्यापक भएदेखि नै विद्यालयको सामाजिक परिक्षण नगरेको, विद्यालयमा आएको बजेटको चरम दुरुपयोग गरेको तथा शैक्षिक गुणस्तर कायम गर्न नसकेकोले शिक्षकहरुले त्यसको प्रतिरोध गरेको शिक्षक रामचन्द्र मण्डेलले बताए ।
जनक बोहरा प्रधानाध्यापक हुँदा खुलेआम विद्यालयको रकम अपचलन गरेको शिक्षक मण्डेलको भनाई छ । ‘विद्यालयमा विनियोजित बजेटमा कागज मिलाएर पैसा खाएको देखियो । पुस्तकालयका लागि आएको ६ लाख ५० हजार बराबरको रकममा कागज मिलाएर खाएको देखिएपछि हामीले विल र किताबको हिसाब गछौँ भन्दा एक लाख फिर्ता गर्छु भनेकाछन् ।’ उनले भने ।
‘पुस्तकालय स्थापना गरेको २ वर्षसम्म सबै रकमको किताब ल्याए भनेका थिए । हामीले विल पेश गर्नुस भन्दा अटेरी गर्थे । बिहीबार सबै शिक्षकहरुले बाध्य बनाएपछि विल देखाउन त तयार भएनन् तर एक लाख फिर्ता गर्छु भनेकाछन् । एक लाख फिर्ता गर्छु भन्नुले प्रधानाध्यापक बोहराले रकम दुरुपयोग गरेको पुष्टि गर्छ ।’ शिक्षक मण्डेलको भनाई छ ।
२२ लाखको शौचालयमा जस्ताको छानो,
संरचना उस्तै, रकममा एघार लाखको फरक,
शौचालय विवादमा प्रशासनको ध्यानकर्षणः सिडिओले झिकाए कागजपत्र ,
२२ लाखको शौचालयका डिजाईनरलाई सिडियोको केरकारः मुल्याङ्कन अनुसार भुक्तानी गर्न निर्देशन
भवन निर्माण सम्पन्न नहुँदै सिफारिस माग, सिफारिस नदिएपछि वडाध्यक्षमाथि आक्रमण
गतिछाडा प्रधानाध्यापकको हर्कतः फेसवुक भरी अस्लिल गाली !
">१२ बजे विधार्थी घर पुगेपछि प्रधानाध्यापकको कठालो समात्न अभिभावक स्कुलमा
प्रधानाध्यापक बोहराले पुस्तकालय स्थापना गर्दा, आइटी ल्याव स्थापना गर्दा, विद्यालय भवन निर्माण गर्दा आर्थिक अनियमितता गरेको शिक्षकहरुको आरोप छ ।
आइटी ल्याव स्थापना गर्दा ल्याएको प्रिन्टरले एक पटक पनि काम नै नगरेको शिक्षक गोविन्द धामीले बताए ।
गत आर्थिक वर्ष निर्माण भएको ४२ लाख बराबरको विद्यालय भवनको काम मंसिरसम्म पनि पुरा भएको थिएन । प्रदेश सरकारको सामाजिक विकास शाखाबाट कागजात पेश गरेर रकम भुक्तानी लिइसकेपनि विद्यालयमा काम भने सम्पन्न भएको थिएन ।
करिब एक लाख ५० हजारको फर्निचरको विल पेश गरेर गत असारमा भुक्तानी लिएपनि मंसिरसम्म विद्यालयमा फर्निचर र इ तलाको विद्यालय भवनको सिढीमा समेत प्लास्टर गरिएको नभेटिएपछि हामीले जिल्लास्थित सामाजिक विकास शाखालाई जाकारी गराएका थियौँ । त्यस लगत्तै सामाजिक विकास कार्यालयले शिक्षक बोहरालाई फर्निचर र सिढीमा प्लास्टर गर्न निर्देशन दिएको थियो ।
