प्रेस चौतारीको नेतृत्व चयनमा विवाद, हलमै नारावाजी
नेतृत्व विवादका कारण प्रेस चौतारी नेपालको महाधिवेशन लम्विने भएको छ। नेकपा एमाले निकट पत्रकारहरुको संगठन चौतारीमा अध्यक्षका लागि ४ जनाले दावी गरेका छन् ।
एकले अर्कोलाई नस्विकार्ने अवस्थाका कारण सर्वसम्मत नेतृत्व चयन गर्ने विषय विवादित वनेको हो । अध्यक्षका लागि वर्तमान अध्यक्ष गणेश बस्नेत, माधव नेपाल, गणेश पाण्डे र टीका बिष्टले दाबी गरेका छन् ।
अन्य पदाधिकारीमा पनि हालसम्म सहमति जुटाउने प्रयास सफल हुन सकेको छैन। जसका कारण शनिबार बिहान ८ बजेदेखि सुरु हुने भनिएको बन्द सत्र अवेर गरी सुरु भएको थियो । खास गरी १५१ सदस्यीय कमिटी बनाउने भनिएको थियो। तर, अघिल्लो कमिटी ३५१ सदस्यीय बनाएपछि सहमतिमा नेतृत्व चयन गर्न सकस भएको एक नेताले वताए ।
अर्कोतर्फ उपत्यका प्रदेशलाई बागमती प्रदेशमा गाभ्ने विषय पनि विवादित वनेको छ। उपत्यका प्रदेशले छुट्टै स्वयत्त अधिकार तथा १ खुल्ला सचिवको माग गरेको छ । त्यो विषयमा सहमति नवनेपछि बन्दसत्र हलमै नाराबाजी भएको एक प्रतिनिधिले वताए ।
प्रेस चौतारी नेपालको नवौं महाधिवेशन शुक्रवारदेखि पोखरामा जारी छ।
प्रेस चौतारी नेपाल
