चितवन राष्ट्रिय निकुञ्जका २ वटा हात्ती तस्करी गरी भारत लाँदै गरेका तीन जनालाई पर्साबाट प्रहरीले पक्राउ गरेको छ। पक्राउ पर्नेमा दुई जना माउते भएको प्रहरीले जनाएको छ।

बिक्री वितरणका लागि दुई वटा हात्ती नेपालबाट भारततर्फ लैजाँदै गरेको सूचनाका आधारमा पर्साको पकहामैनपुर गाउँपालिका–५ बाट शनिबार मध्याह्न उनीहरूलाई इलाका प्रहरी कार्यालय पोखरियाले पक्राउ गरेको हो।

चितवनको भरतपुर महानगरपालिका–१८ का ६० वर्षीय बुद्धिराम महतो, ४० वर्षीय राजु कुमाल र पर्सा पकहामैनपुर गाउँपालिका–५ का ३५ वर्षीय सफरोज आलमलाई पक्राउ गरिएको जिल्ला प्रहरी कार्यालय पर्साका डिएसपी ओमप्रकाश खनालले बताए।

पर्सा पकहामैनपुर गाउँपालिका–५ बाट शनिबार मध्याह्न उनीहरूलाई इलाका प्रहरी कार्यालय पोखरियाले पक्राउ गरेको पर्सा प्रहरी प्रवक्ता प्रहरी नायब उपरीक्षक ओमप्रकाश खनालले बताए।

पक्राउ परेकामध्ये आलम हात्ती बिक्री वितरणमा संलग्न रहेको प्रहरीले जनाएको छ। दुबै हात्ती र पक्राउ परेकालाई आवश्यक कारबाहीका लागि पर्सा राष्ट्रिय निकुञ्जमा पठाइने खनालले बताए।

तस्करी हात्ती