भारतको ‘आजादी का अमृत महोत्सव’ अन्तर्गत शनिवार विरगञ्जमा भारत–नेपाल मैत्री क्रिकेट म्याच सम्पन्न भएको छ। भारतीय महावाणिज्य दूतावास विरगञ्जको आयोजनामा म्याच सम्पन्न भएको हो ।

खेलमा महावाणिज्य दुतावासका कर्मचारी र नेपालतर्फका सरकारी कर्मचारीहरुको टोलीले भाग लिएका थिए। कन्सुलर जनरलको टोली (सिजी–११) र सिडिओ –११ का विचमा प्रतियोगिता सम्पन्न भएको जनाईएको छ।

टस जितेर पहिलो ब्याटिङ रोजेको सिडिओ ११ ले सिजी–११ लाई ७२ रनको लक्ष्य दिइएको थियो । सिजी ११ ले दुई ओभर बाँकी रहँदै लक्ष्य प्राप्त गरेको थियो ।

भारत र नेपालका सरकारी अधिकारीहरू बीचको सम्बन्धलाई प्रगाढ बनाउन र स्वस्थ खेलकुदको महत्वलाई उजागर गर्न प्रतियोगिताको आयोजना गरिएको महावाणिज्य दुतावासले जनाएको छ।