माधबकुमार नेपाल नेतृत्वको नेकपा एकीकृत समाजवादीका सांसदहरुले एमसीसी विरुद्धमा प्रतिक्रिया दिन नपाउने भनएका छन् ।

बुधबार सुरु भएको पार्टीको केन्द्रीय कमिटी बैठकलाई सम्बोधन गर्ने क्रममा अध्यक्ष नेपालले एमसीसीका विरुद्धमा नकारात्मक टिप्पणी गरे कारवाही गर्ने चेतावनी दिएका छन् । एमसीसीका सन्दर्भमा पार्टीका केही नेताले अत्यन्तै गम्भीर र आपत्तिजनक कुरा फेसबुकमा लेखेको भन्दै उनले गल्ती स्वीकार गर्न चेतावनी पनि दिए। अन्यथा स्पष्टिकरण सोध्ने उनको चेतावनी थियो।

‘एमसीसीमा अत्यन्तै गम्भीर कुरा फेसबुकमा लेख्नुभएको छ । गल्ती स्वीकार गर्नुहोस् । स्पष्टिकरण सोध्नुपर्ने नहोस्’ उनले भने–‘ती कुराहरू आपत्तिजनक छन्, पार्टीले सहन सक्दैन । बहुमतको निर्णय पार्टीको निर्णय हुन्छ ।’

यसअघि एमसीसी प्रकरणमा अध्यक्ष नेपालले वरिष्ठ नेता झलनाथ खनालको समेत आलोचना गरेका थिए। पोलिटब्यूरो बैठकमा बोल्दै उनले एमसीसीको विरोध गरेकोमा खनालको आलोचना गरेका हुन ।

नेकपा एमालेका अध्यक्ष केपी शर्मा ओली आफनो पार्टी नै समाप्त पोर्न गरी षडयन्त्र पुर्वक अघि वढेपछि त्यसलाई असफल वनाउन एमसीसी पास गरिएको नेपालको भनाई थियो । सभामुख हटाउने, आफूसहित १४ सांसदको पद खारेज गर्ने र नेकपा एसको वैधानिकता नै समाप्त पारेर आफूहरूलाई घर न घाटको बनाउने षड्यन्त्र भएको नेपालले बैठकमा बताए ।

केपी ओलीले बिनाशर्त एमसीसी पास गरेर आफूहरूलाई समाप्त पार्ने भएपछि त्यसमा संशोधन गरेर भए पनि पारित गरेर गठबन्धन जोगाइएको नेपालले बैठकमा बताए । 
 

एमसीसी माधबकुमार नेपाल