भारतीय आयल कर्पोरेसनले पेट्रोलमा घटेको नयाँ मूल्य सूची पठाएको छ। नेपाल आयल निगमले शुक्रबार जारी गरेको विज्ञप्ति अनुसार पेट्रोलको मुल्य प्रति लिटर १.४६ रुपैयाँले घटेर आएको हो ।

भारतीय आयल कर्पोरेसनले पेट्रोलमा घटेको नयाँ मूल्य सूची पठाएको छ। नेपाल आयल निगमले शुक्रबार जारी गरेको विज्ञप्ति अनुसार पेट्रोलको मुल्य प्रति लिटर १.४६ रुपैयाँले घटेर आएको हो ।

निगमले आईओसीसँग तेल किन्ने मूल्य डिजेलमा प्रतिलिटर २ पैसा, मट्टितेलमा २२.१९ रुपैयाँ र हवाई इन्धनमा ४.२३ ले मूल्य बढेको छ । एलपी ग्याँस प्रति सिलिण्डर २७३.३८ रुपैयाँले महँगिएर आएको छ ।

यो मूल्य सूचीअनुसार अहिलेकै बिक्री मूल्य अनुसार १५ दिनमा ५ अर्ब २१ करोड घाटा हुने निगमले जानकारी दिएको छ । निगमलाई अब पेट्रोलमा प्रतिलिटर २७.०७ रुपैयाँ र डिजेलमा ३२.२७ रुपैयाँ घाटा पुगेको छ ।

मट्टितेलमा प्रतिलिटर १.९९ रुपैयाँ, अन्तरिकतर्फको हवाई इन्धनमा प्रतिलिटर १२.८४ र अन्तर्राष्ट्रियतर्फको हवाई इन्धनमा प्रतिलिटर ६१ रुपैयाँ नाफा छ । एलपी ग्याँसमा प्रतिसिलिन्डर ९५३ रुपैयाँ घाटा हुनेछ ।

चालू आर्थिक वर्ष २०७८÷७९ को हालसम्म निगमले करीब रू. ३२ अर्ब नोक्सानी व्यहोरी सकेको निगमका सहप्रवक्ता पुष्कर कार्कीले जानकारी दिए ।