उम्मेदवार छनौटमा बैमानी गरेको भन्दै नेकपा (माओवादी केन्द्र) कर्णाली प्रदेशका सहसचिव लालकेश जैशीलाई असन्तुष्ट आकांक्षीले कुटेका छन् । गोलाप्रथाबाट उम्मेदवार छनौट गरेपछि जैशीले कुटाई खाएका हुन।

माओवादीबाट हुम्लाको चंखेली गाउँपालिकाको अध्यक्षमा गोला प्रथाबाट उम्मेदवार छनौट गरिएको थियो। गोलाप्रथाबाट गोविन्दबहादुर शाहीलाई गाउँपालिका अध्यक्षको उमेदवारमा छनौट गरिएको छ।

त्यसपछि आकांक्षी ८ जना मध्येका धुर्वबहादुर शाहीले पक्षपातपूर्ण तरिकाले उमेदवार छनौट गरेको भन्दै जैशीमाथि हातपात गरेका हुन् । आकांक्षी आठजनामध्ये दुईजनाको मात्रै गोलाप्रथा भएको भन्दै असन्तुष्टि जनाएको शाहीले बताएका छन् । अन्य आकांक्षी पनि असन्तुष्ट रहेको जनाईएको छ।