विराटनगर महानगरपालिकमा पार्टीकातर्फबाट अध्यक्ष उपेन्द्र यादवका छोराले टिकट पाउने निश्चित भएपछि अघिल्लो स्थानीय तह निर्वाचनमा मेयर उठेका उमेश यादवले जनता समाजवादी पार्टी छोडेका छन् ।

शनिवार विराटनगरमा पत्रकार सम्मेलनको आयोजना गरेका यादवले जसपा एक्लै चुनाव जित्न सक्ने ठाउमा मेयर अरूलाई दिएर पार्टीले गद्धारी गरेको आरोप लगाए । विराटनगर महानगरपालिकामा गठबन्धन हुँदा मेयरमा कांग्रेस र उपमेयर जसपालाई दिने सहमति भएको थियो । गठबन्धन गर्ने केन्द्रले निर्णय गरेपछि यादवले त्यसको विरोध गरेका थिए । 

पार्टीको भागमा परेको उपमेयरमा पनि उपेन्द्रले आफनै छोरा अमरेन्द्र यादवको नाम सिफारिस गरेको भन्दै स्थानीय नेता÷कार्यकर्ता रुष्ट वनेका छन् ।  ‘विराटनगरमा गठबन्धन जरूरी थिएन। गठबन्धन गर्ने निर्णय गलत भयो’ उनले भने–‘यही कारणले मैले पार्टी त्यागेर स्वतन्त्र बस्ने निर्णय गरेको छु।’

मेयरमा उम्मेदवारी दिने/नदिनेबारे निर्णय लिई नसकेको उनले वताए । ०७४ को निर्वाचनमा उनी जसपाबाट मेयरका उम्मेदवार थिए । उनी १४ हजार ९५८ मतसहित तेस्रो भएका थिए।
 

उमेश यादव