पूर्वी नवलपरासीमा किरियापुत्री वसेका ब्यक्ति ‘कोरो’ छोडेर उम्मेदवार दर्ता गर्न हिडेपछि सर्वसाधारण आश्चर्यमा परेका छन् । आमाको काज किरिया बसिरहेका भीमलाल अधिकारीले पूर्वी नवलपरासीको मध्यविन्दु नगरपालिकामा मेयरको उम्मेदवारी दर्ता गराएका छन् ।

अधिकारीले एमालेको तर्फबाट मेयर पदमा मनोनयन दर्ता गरेका छन् । नेकपा एमालेका जिल्ला सचिवसमेत रहेका अधिकारी आमाको किरिया बसेको आज ५ औं दिन हो। उनले निर्वाचन आयोगको कार्यालयमा पुगेर मनोनयन दर्ता गराए। 

अधिकारी मनोनयन गर्न जाँदा ठूलो संख्यामा कार्यकर्ता र सर्मथकहरू निर्वाचन आयोगको कार्यालयसम्म सँगै पुगेका थिए । मध्यविन्दु नगरपालिकाको मेयरमा नेकपा एमालेबाट अधिकारीको नाम सर्वसम्मत सिफारिस भएको थियो ।

एमाले नवलपुरले मध्यविन्दुको मेयरमा अधिकारीको एकल नाम गण्डकी प्रदेश कमिटीलाई सिफारिस गरेको थियो। अन्य आकांक्षीहरुको सहमतिमा अधिकारीको मात्रै नाम सर्वसम्मत सिफारिस गरिएको हो ।

मध्यविन्दु–८ निवासी अधिकारीलाई पार्टीभित्र वैचारिक र कुशल संगठकको रुपमा लिइन्छ । 

पूर्वी नवलपरासी मध्यविन्दु नगरपालिका भीमलाल अधिकारी किरियापुत्री