एनसिआइटि म्यानेजमेन्ट क्लबले वैशाख १८ मा स्नातक तह स्तरिय हाजिरिजवाफ प्रतियोगिता सञ्चालन गर्ने भएको छ । ललितपुरको बालकुमारी रहेको नेपाल कलेज अफ इन्फरमेसन टेक्नोलोजीको एनसिआइटि म्यानेजन्ट क्लब उक्त प्रतियोगगिता आयोजना गरेको छ । 

प्रतियोगितामा काठमाण्डौं उपत्यकाभित्रका पोखरा विश्वविद्यालयबाट सम्बन्धन प्राप्त कलेजहरु संलग्न हुन सक्नेछन् । 

प्रतियोगिताका लागि सहभागि हुने कलेजहरुलाई मंगलबार आयोजकले अभिमुखिकरण गराएको थियो । 

आयोजक संस्था नेपाल कलेज अफ ईन्फरमेसन टेक्नोलोजी, व्यवस्थापन विभाग अन्तरगतको एनसिआइटि म्यानेजमेन्ट क्लबका अध्यक्ष जयनमान श्रेष्ठका अनुसार प्रतियोगितामा पोखरा विश्वविद्यालयबाट सम्बन्धन प्राप्त व्यवस्थापन विषय पढाई हुने क्याम्पसहरुको प्रतिनिधित्व रहनेछ । उनी भन्छन्, यो प्रतियोगिता एउटा महत्वकांक्षी कार्यक्रम हुने भएकाले हाम्रो उदेश्य क्याम्पस स्तरका विद्यार्थीहरुमा नेतृत्व तथा बौद्धिक क्षमताको प्रवर्धन गर्ने भएको हुँदा यसको छुट्टै महत्व रहेको छ ।

कार्यक्रम संयोजक सुदर्शन पंज्ञानीका अनुसार वैशाख १८ गतेदेखि सुरु हुने कार्यक्रममा जम्मा २० वटा कलेजहरुको सहभागिता रहने र विजेताहरुलाई आकर्षक नगद पुरस्कार तथा अन्य विभिन्न अवसरहरु प्रदान गरिनेछ । प्रथम पुरस्कार रु ५१,१०० र द्वितिय पुरस्कार नगद रु २०,००० रहेको र कार्यक्रममा देशका प्रतिष्ठित व्यवसायिक संघ संस्थाहरुको प्रायोजन रहेको छ। उनले बताएका छ्न ।

एनसिआइटि हाजिरीजवाफ