निर्वाचन आयोगले स्थानीय तहको निर्वाचन २०७९ का लागि आजदेखि मतपत्र छाप्न सुरु गरेको छ। जनक शिक्षा सामाग्री केन्द्रले मतपत्र छाप्दैछ। निर्वाचनका लागि १ करोड ९४ लाख थान छपाई हुने आयोगले जनाएको छ।

कूल २३ लहर समूहका ७७ प्रकारका १ करोड ९४ लाख थान मतपत्र छपाइ हुने आयोगका प्रवक्ता शालिग्राम शर्मा पौडेलले भने। सबैभन्दा बढी ५६ लहरको मतपत्र काठमाडौंको र सबैभन्दा कम १६ लहरका मतपत्र रोल्पाको हुनेछ। 

पौडेलका अनुसार, ८ प्रतिशतदेखि २५ प्रतिशतसम्म थप मतपत्र छापिन्छ। मनाङ, जुम्ला, हुम्ला जस्ता ठाउँहरुमा बढी प्रतिशत जगेडा राखिन्छ। नजिकका र धेरै मतपत्र आवश्यक पर्ने जिल्लामा कम प्रतिशत जगेडा राखेर मतपत्र छपाइ गरिने पौडेलले जानकारी दिए।
फाईल फोटो

स्थानीय तह निर्वाचन २०७९