मादक पदार्थ सेवन गरेका भारतीय सुरक्षार्की एसएसवीले विराटनर नजिकै दशगजा क्षेत्रमा फायर खोलेका छन्। विराटनगर – १८ इस्लामपुर स्थित नेपाल–भारत सीमा क्षेत्रमा ति सुरक्षाकर्मीले तीन राउण्ड फायर गरेको स्थानीयले वताए ।

डियुटिमा खटिएका एसएसबीले सोमबार दिउँसो करिव २ बजे दुई राउण्ड जमिन र एक राउन्ड आकाशतिर फायर गरेको विराटनगर १८, इस्लामपुरका स्थानीयवासीले वताए । मदिरा सेवन गरेर होहल्ला गर्न थालेपछि स्थानीयवासीले उनलाई घेराउ गरेका थिए ।

स्थानीयद्वारा घेरिएपछि आफ्नो सुरक्षाका लागि उनले हवाई फायर गरेको हुनसक्ने सीमा क्षेत्रमा खटिएका नेपाली सुरक्षाकर्मीको आशंका छ। हवाई फायरबाट कुनै मानवीय क्षति भने भएको छैन ।

जिल्ला प्रहरी कार्यालय मोरङले पनि दशगजा क्षेत्रमा गोली चलेको पुष्टि गरेको छ। मोरङका एसपी शान्तिराज कोइरालाले गोली भारतीय क्षेत्रमा चलेको वताए । किन गोली चल्यो भन्ने विषयमा जानकारी लिने प्रयास भईरहेको उनले वताए । 
 

गोली