सम्पर्कविहिन भएपछि दुर्घटनामा परेको भनिएको तारा एयरको विमानका चालकको मोवाईल सम्पर्कमा रहेको पाईएको छ। विमानका पाइलटको मोबाइलको नेटवर्क चलिरहेको पाइएको जिल्ला प्रशासन कार्यालय मुस्ताङले पुष्टि गरेको छ ।

जिल्ला प्रशासन कार्यालय मुस्ताङले विमानका पाइलटको मोबाइलमा टेलिकमको नेटवर्कले काम गरिरहेको पाइएको जनाएको छ । त्यही अनुसार लोकेसन ट्रेसिङको काम भइरहेको प्रशासकीय अधिकृत देवेन्द्रराज पाण्डेले जानकारी दिए ।

विमानको खोजी स्थल र हवाइ मार्गबाटै भईरहेको छ। पाईलटको मोवाइलको लोकेसन ट्रेसिङ गरिरेहको पाण्डेले जानकारी दिए । मोवाईलको लोकेसन धवालागिरी हिमाल नजिकै देखिएको छ।

कास्कीको पोखराबाट आइतबार बिहान ९ बजेर ५५ मिनेटमा जोमसोमका लागि उडेको तारा एयरको विमान सम्पर्कविहीन भएको छ । १० बजेर २० मिनेटमा अवतरण हुनुपर्ने अल्फा इको ट्यांगो कल साइन भएको जहाज ११ बजिसक्दा पनि सम्पर्कमा आएको छैन ।

विमानमा क्याप्टेन प्रभाकरप्रसाद घिमिरे, को–पाइलट उत्सव पोखरेल र एयर होस्टेज किस्मी थापा थिए । उक्त जहाजमा १३ नेपाली, ४ भारतीयसहित २ अन्य देशका नागरिक थिए ।
 

तारा एयर