सलमानको ‘कभी इद कभी दिवाली’ फिल्मबाट वहिनी ज्वाईले साथ छोडे
बलिउड अभिनेता सलमान खानको नयाँ चलचित्र ‘कभी इद कभी दिवाली’ बाट उनका वहिनी ज्वाई आउट भएका छन् ।
भारतीय मिडियाहरुका अनुसार चलचित्रमा आफ्नो भूमिकालाई लिएर आयुष खुसी छैनन् । वास्तवमा आयुषलाई पर्दामा धेरै देखिने मात्र नभएर धेरै डायलग बोल्न मन थियो । यस विषयमा उनले सलमान र निर्देशक फरहादसँग पनि कुरा गरेका थिए ।
यस चलचित्रमा उनी सलमानको भाइको भूमिकामा थिए । यद्यपि, उनको कुराको सम्बोधन नहुने देखिएपछि आयुषले अन्ततः चलचित्र नै नगर्ने निर्णय लिएका हुन् ।
आयुषले करियरको यो मोडमा आफू प्रमुख भूमिकामा मात्र अभिनय गर्न चाहेकाले सलमानको ठूलो बजेटको फिल्मबाट आफूले हात झिकेको बताएका छन् ।
‘आयुष शर्मा फिल्म ‘अन्तिम–द फाइनल ट्रुथ’को सफलताका कारण खुसी छन् । यो फिल्मले उनलाई आफ्नै बलमा फिल्म चल्न सक्छ भन्ने हिम्मत बढाएको छ । दर्शकले पनि उनको अभिनयलाई निकै मनपराएका छन् । जसकारण उनले ठूलो फिल्ममा सहायक चरित्रमा अभिनय गर्ने निर्णय लिएका छन् । किनकि उनी फिल्ममा हिरो बन्न चाहन्छन’, आयुष निकट स्रोतले भनेको छ ।
