काठमाडौं महानगरपालिकाको कार्यपालिका वैठकमा मेयर बालेन्द्र साहले भौतिक पूर्वााधर एम्बुलेन्स सञ्चालन गर्ने प्रस्ताव राखेका छन्। सोमबार बसेको पहिलो बैठकमा साहले २ वटा भौतिक पूर्वााधर एम्बुलेन्स सुरु गर्ने प्रस्ताव राखेका हुन् ।

सडकमा पर्ने खाल्डाखुल्डी पुर्ने, ढल निकास गर्ने जस्ता काम तत्काल गर्न उनले यस्तो प्रस्ताव गरेका हुन । उनले भने, ‘जनताले समस्या छ भनेर कल सेन्टरमा खबर गरेपछि तत्काल रेस्पोन्स गर्नुपर्छ ।’

उनले सार्वजतिक शौचालयको समस्या तत्काल समाधानका लागि होटल÷रेष्टुरेन्टहरुमा निःशुल्क शौचालय प्रयोग गर्न दिने प्रस्ताव पनि ल्याएका छन् । यसैगरी, नागरिकको गुनासो सुन्नका लागि कल सेन्टर सञ्चालनमा ल्याउने समते उनले बताएका छन् ।

मेयर साहले काठमाडौंको फोहोर व्यवस्थापनलाई एजेण्डा बनाएका छन् । वैठकमा रिसाईक्लिङ मेसिन खरिद गर्ने विषयमा छलफल भईरहेको छ। उनले फोहोर मैला व्यवस्थापन नभएसम्म आफूले माला खादा नलगाउने घोषणासमेत गरेका छन् ।

कार्यपालिका वैठकलाई प्रत्यक्ष प्रशारण गरिएको छ। उनले पदभार ग्रहण गर्नासाथ कार्यपालिका वैठक लाईभ गर्ने निर्णय गरेका छन् ।
 

बालेन्द्र साह