केन्द्रीय वक्ताको लिष्टमा आफनो नाम नराखेपछि कांग्रेस नेता विमलेन्द्र निधिले जनकपुरमा आयोजित सत्ता गठवन्धनको चुनावी सभा बहिष्कार गर्ने भएका छन् । 

आज हुन लागेको गठबन्धनको सभामा केन्द्रीय नेता निधि नाम वक्ताको रुपमा नराखिएको एक नेताले जानकारी दिए। धनुषा निधिको आफ्नै गृहजिल्ला हो । आफनो जिल्लामा वक्ताको रुपमा नाम नराखिएपछि उनले अपमान महसुस गरेको ति नेताले वताए ।

पार्टीको केन्द्रीय वक्ताको रूपमा प्रधानमन्त्री शेरबहादुर देउवा, नेता रामचन्द्र पौडेल, सहमहामन्त्रीद्वय भिष्मराज आङदेम्बे र महेन्द्र यादवको नाम छ । जनकपुरमा हुने कार्यक्रम छोडेर नेता निधि भने धरानको चुनावी  सभामा सहभागी हुन लागेका छन् ।