सरकारले पेट्रोलियम पदार्थमा प्रतिलिटर २० रुपैयाँ मुल्यवृद्धि गरेर १० रुपैयाँ घटाएको छ।

नेपाल आयल निगमले डिजल, पेट्रोल र मट्टीतेलको मूल्य घटाएको हो । डिजल, पेट्रोल र मट्टीतेलको मूल्य लिटरमा १०–१० रुपैयाँले घटाउने निर्णय निर्णय भएको निगमका प्रवक्ता विनितमणि उपाध्यायले जानकारी दिए ।

बिहीबार बसेको निगम सञ्चालक समितिको बैठकले यस्तो निर्णय गरेको हो । अब पेट्रोलको मूल्य प्रतिलिटर १७० रुपैयाँ र डिजल तथा मट्टीतेलको मूल्य १५३ रुपैयाँ पर्नेछ ।

अर्थ मन्त्रालयले पूर्वाधार कर घटाएर मूल्य समायोजन गर्न लिखित निर्देशन दिएपछि यस्तो निर्णय भएको प्रवक्ता उपाध्यायले बताए । अर्थमन्त्री जनार्दन शर्माले बजेट वक्तव्यमार्फत नै पेट्रोलमा लगाएको कर घटाउने घोषणा गरेका थिए।

खाना पकाउने ग्याँस र हवाई इन्धनको मूल्य भने घटेको छैन।