घर–घरबाट संकलन गरेको फोहोर धोविखोलामा फाल्ने एउटा कम्पनीलाई काठमाण्डौं महानगरपालिकाले २५ हजार रुपैयाँ जरिवाना तिराएको छ।

महानगरपालिका ९ स्थित प्राक्टिकल वेष्ट सोलुसन प्रालिलाई महानगरले जरिवान तिराएको हो। नियमविपरित खोलामा फोहोर फालेको भन्दै प्रशासनिक जरिवाना स्वरुप २५ हजार रुपैयाँ तिराएको मेयर बालेन्द्र साहले जानकारी दिएका छन् ।

उनले सामाजिक सञ्जालमा जरिवाना तिराएको रसिदसहित  लेखेका छन्– ‘सामाजिक सञ्जालमा धोबीखोलामा फोहोर फालिरहेको भिडियो र फोटोको चर्चा भइरहेको छ । सो सामग्रीको छानविन गरि उक्त कार्यमा सम्लग्न कम्पनीलाई नियम अनुसार रु. २५,००० (पच्चिस हजार रुपैयाँ) जरिवाना गरेका छौँ । चर्चा भएपछि अनुसन्धान गरेर कारबाही गरेको बताए ।’

मेयर साहले अवाञ्छित काम नगर्न अनुरोध पनि गरेका छन् । ‘कुनै पनि अवाञ्छित कार्यहरु कसैले पनि नगर्न र कसैले गरेमा त्यसप्रति सबै चनाखो रहन जरुरी छ’ उनले लेखेका छन्–‘यस्ता कार्यहरु सार्वजनिक गरेर महानगरसम्म पु¥याइदिनु भएकोमा धन्यवाद छ । आगामी दिनहरुमा यस्ता कार्य नदोहो¥याउन र गरेको देखेमा यसरी नै सार्वजनिक ध्यानाकर्षणमा ल्याइदिन अनुरोध गर्दछौँ ।’