पार्टी निर्माण अभियानमा जुटेका राष्ट्रिय स्वतन्त्र पार्टीका अध्यक्ष रवि लामिछानेले धरानका मेयर हर्क साम्पाङसँग भेटघाट गरेका छन् । लामिछानेले शुक्रवार विहान मेयरको कार्यकक्षमै पुगेर भेटघाट गरेका हुन।

साम्पाङ र लामिछानेबीच भेट भएको स्वतन्त्र पार्टीका नेता दीपक बोहराले पुष्टि गरेका छन्। उनले दुवै जनाको फोटो फेसवुकमा राखेर मेयर साम्पाङलाई शुभकामना दिन आएको उल्लेख गरेका छन् ।

‘तपाईंलाई भेटेरै शुभकामना दिन आएको। खासमा मलाई श्रमदानमा पनि सहभागी हुने मन थियो, तर सकिएछ। जनताको एकदम अपेक्षा छ तपाईँसित, राम्रो गर्नुहोला। सहकार्य जारी रहनेछ’ लामिछानेलाई उद्धृत गर्दै बोहराले फेसवुकमा लेखेका छन् ।

लामिछाने चुनाव चिह्न घण्टी बोकेर अहिले पार्टी निर्माण अभियानमा छन्। उनी विहिवार झापामा जिल्ला भेलामा सहभागि भएका थिए। त्यहाँ उनले नेपालमै वनेको कपडा मात्र लगाउने र स्टेजमा कहिलै नवस्ने घोषणा गरेका छन् ।
 

रवि लामिछाने हर्क साम्पाङ