विश्वराज पोखरेलको रिट खारेज, धिरजप्रताप आईजीपी सदर
आईजीपी नियुक्ती विरुद्ध एआईजी विश्वराज पोखरेलले हालेको रिट सर्वोच्च अदालतले खारेज गरेको छ । प्रहरी महानिरीक्षकमा धिराजप्रताप सिंहलाई नियुक्त गर्ने मन्त्रिपरिषद्को निर्णयविरुद्ध उनले रिट दायर गरेका थिए।
वैशाख १८ मा मन्त्रिपरिषद्ले धीरजप्रताप सिंहलाई प्रहरी महानिरीक्षक नियुक्त गर्ने निर्णय गरेको थियो । वरिष्ठता मिचेर मन्त्रिपरिषद्ले सिंहलाई आईजीपी नियुक्त गरेको भन्दै प्रतिस्पर्धी एआईजी पोखरेलले सर्वोच्चमा रिट दायर गरेका हुन् ।
कामु प्रधानन्यायाधीश दीपककुमार कार्की र न्यायाधीश कुमार चुडालको इजलासले सिंहलाई आईजीपी नियुक्त गर्ने सरकारको निर्णय कानुनसम्मत भएको ठहर गरेको हो । यो आदेशसँगै एआईजी पोखरेलसामु प्रहरी प्रधान कार्यालयमा हाजिर हुने वा राजीनामा दिने मात्र विकल्प छ ।
पोखरले साउन २० गते अनिवार्य अवकाशमा जाने छन्। धिरजप्रतापलाई एआईजी नियुक्ति गर्ने निर्णसँगै उनी विदामा वसेका थिए । पहिलो पटक लिएको विदा सकिएपछि उनले सहयोगी पठाएर विदा थप गर्न चाहेका थिए । तर स्वयम उपस्थित हुनुपर्ने प्रावधानलाई टेकेर उनको विदा अस्विकार भएको छ।
यो पनि,
- आइजीपी प्रकरणमा सुनुवाई सकियो, कस्को पक्षमा आउला फैसला ?
- महान्यायाधिवक्ताले किन भने विश्वराज प्रतिस्पर्धी त हुन, उपयुक्त होईनन्
- आईजीपी नियुक्तिविरुद्धको रिटमा सुनुवाइ सुरु, सिंहको नियुक्ती बदर भए के हुन्छ?
- सहयोगी पठाएर एआईजी पोखरेलले मागेको विदा अस्विकृत
- आईजीपी नियुक्तिबाट सुरु भएको धिरज र विश्वराजको टसल रोचक मोडमा
