काठमाडौंको जोरपाटीमा पानी खोज्दा ग्याँस फेला परेको छ। जोरपाटीबाट सुन्दरीजल जाने बाटोमा रहेको सन्तवीर लामाको घरमा बोरिङ खन्ने क्रममा ग्यास निस्किएको छ । 

३ सय फिटजति खनेपछि एक्कासि विस्फोट भई लेदोसहित पानी र ग्यास निस्किएको स्थानीयले जानकारी दिए । बिहान १० बजेदेखि अहिलेसम्म पनि पाइपबाट ग्यासको मुस्लो निस्किरहेको उनीहरुले वताए ।

ग्यासको मुस्लो तीन तलामाथिसम्म पुगेको र ग्यासकै गन्ध फैलिएको स्थानीय निर्मल अर्यालले वताए । खानी तथा भूगर्भ विभागका अधिकारीहरूलाई वास्तविकता पत्ता लगाउनका बोलाइएको छ । प्रहरीले अहिले घटनास्थल वरपर सुरक्षा दिएर सर्वसाधारणलाई आवतजावतमा रोक लगाएको छ ।