श्रीमतीको हत्या गरेको आशंकामा प्रहरीले मोरङको रंगेली नगरपालिका–१, बिर्ता बजारका २३ वर्षिय तिल्ला मल्लिकलाई शनिवार पक्राउ गरेको छ। ५ वर्षअघि दाजुको मृत्युपछि भाउजु बबिता मण्डललाई तिल्काले श्रीमती सकारेका थिए।

गए राती आफनै घरमा भएको आगलागीमा परी ३१ वर्षिया बविताको मृत्यु भएको छ । आगलागीमा परी गम्भीर घाइते बबिताको उपचारका क्रममा आज बिहान ६ बजे विराटनगरको कोसी अस्पतालमा मृत्यु हो ।

प्रहरीले बबितालाई उनकै श्रीमानले घरमा थुनेर आगो लगाएको हुन सक्ने आशंका गरेको छ। सोधपुछका लागि प्रहरीले बबिताका श्रीमान् तिल्कालाई पक्राउ गरेको जिल्ला प्रहरी कार्यालय मोरङले जनाएको छ । 

पक्राउ परेका तिल्का र बबिताको बीचमा खाना खाने समय राति करिव पौने १० वजे विवाद भएको पाईएको छ। विवादकै क्रममा एक्कासि घरमा आगो लागेको र आगो निभाउनुको साटो तिल्का भागेर केही पर पुगेकाले घटना शंकास्पद देखिएको मोरङ प्रहरीका डीएसपी दिपक श्रेष्ठले बताए।

घटनाबारे अनुसन्धान थालिएको श्रेष्ठको भनाई छ।