पूर्वमिस नेपाल सदीक्षा श्रेष्ठले विवाह गरेकी छिन्। प्रेमी राहुल मोक्तानसँग उनले लगन गाँठो बाँधेकी हुन। सदीक्षा र राहुलले मंगलबार राति काठमाडौंमा नेवारी परम्पराअनुसार विवाह गरेको जनाईएको छ।

काठमाडौंमा जिमखाना सञ्चालन गरिरहेका राहुल र सदीक्षा केही वर्षयतादेखि प्रेमसम्बन्धमा थिए । विवाह समारोहअघि उनीहरुले सिल्भर ओक रेष्टुरेन्टमा रिसेप्सन दिएका थिए । नेवारी चलअनुसार रिसेप्सनपछिको शुभ साइतमा निकट आफन्त र परिवारको उपस्थितिमा बिहे कार्यक्रम भएको थियो ।

पूर्वमिस नेपालहरु र हालको मिस नेपालको ब्याच पनि विवाह समारोहमा उपस्थित थिए । 

रिसेप्सनमा सेलिब्रिटी, मिडिया उद्यमी र व्यवसायीहरुलाई पनि निम्तो दिइएको थियो ।