नेकपा एमालेका नेता कृपासुर शेर्पा सवार कार शुक्रवार सिन्धुलीमा दुर्घटनामा परेको छ । कमलामाई नगरपालिका–१४, चन्दनपुरमा दुर्घटनामा परेको जिल्ला प्रहरी कार्यालय, सिन्धुलीले जनाएको छ ।

पूर्वमन्त्रीसमेत रहेका शेर्पा सवार बा २ च ९००३ कार तिव्र गतिका कारण दुर्घटनामा परेको जनाईएको छ। कारमा आदिवासी जनजाति महासंघका महासचिव पेम्बा गुरुङ, केन्द्रीय उपमहासचिव देवराज राई, ५० वर्षीय गणेश थापा लगायत सवार थिए । उनीहरु मध्ये तीनजनाको अवस्था गम्भीर छ ।

पूर्वमन्त्री शेर्पाको चाहिँ बाहिरी चोट देखिएको छैन । चारैजनालाई थप उपचारका लागि हेलिकोप्टरमार्फत काठमाडौं ल्याईएको छ। उनीहरुको थप उपचार ट्रमा सेन्टरमा हुने जनाईएको छ। आदिवासी जनजाति महासंघ प्रदेश १ को विस्तारित बैठकमा जाँदै गर्दा कार दुर्घटना भएको हो प्रहरीले जानकारी दिएको छ।

कृपासुर शेर्पा