अफगानिस्तानको काबुलमा बिहीबार भएको एक आत्मघाती वम विस्फोटमा तालिबानी धार्मिक नेताको मृत्यु भएको छ।

राजधानीमा भएको विस्फोटमा शेख रहिमुल्लाह हक्कानीको मृत्यु भएको हो। अफगानिस्तानमा पछिल्ला हप्ताहरुमा शृंखलावद्ध विस्फोटहरु भएका छन् । राजधानी काबुलको चन्दवाल, पुल–ए–सोख्ता र सरकारिजलगायतका धेरै क्षेत्रमा विस्फोटहरू भएका छन् ।

अगस्ट ६ मा काबुलको पश्चिममा पर्ने पुल–ए–सोख्ता क्षेत्रनजिक भएको विस्फोटमा कम्तिमा तीन जनाको मृत्यु हुनुको साथै अन्य सात जना घाइते भएका थिए । अफगानिस्तानमा भर्खरै भएको विस्फोटको संयुक्त राष्ट्र सङ्घले निन्दा गरेको छ ।

यसमा परी एक सय २० भन्दा बढी व्यक्ति मृत्यु र घाइते भएका छन् । विस्फोटको जिम्मा इस्लामिक स्टेट्सले लिएको छ।