काठमाडौं महानगरपालिकाको होहोर विसर्जन गर्न बन्चरेडाँडा ल्याण्डफिल साइट पुगेका गाडीलाई अवरोध गरिएको छ। सबै गाडीहरुलाई स्थानीय राजनीतिक दलका प्रतिनिधिहरुले बीच बाटोमै रोकेका छन् ।

आईतवार धादिङको धुनिबेशी नगरपालिका–१ का कांग्रेस सभापति पूर्णबहादुर तामाङ, माओवादी केद्रका अध्यक्ष विष्णु तामाङ र एकीकृत समाजवादीका अध्यक्ष भीषण धितालले संयुक्त विज्ञप्ति निकालेर बञ्चरेडाँडामा फोहोर फाल्न नदिन घोषणा गरेका थिए ।

सत्तारुढ तीन दलका स्थानीय नेताहरुले फोहोर खसाल्न नदिने घोषणा गरेको थिए। तर, सोमवार नेकपा एमाले र राप्रपाका स्थानीय नेताहरुले पनि उनीहरुलाई साथ दिएपछि फोहोर बोकेका गाडी अगाडि वढ्न नसकेको जनाईएको छ।

आईतवार भने २५ वडा गाडीले फोहोर विसर्जन गरेका थिए । आजै दिउँसो सबै दलले संयुक्त वक्तव्य निकाल्ने तयारी गरेका छन् । स्थानीयवासीले भने दलहरुले फोहोर राजनीति सुरु गरेको वताएका छन् ।

पीडितका दलका प्रतिनिधिहरुले आफनो स्वार्थपुर्तीका लागि गाडी रोकेको उनीहरुको आरोप छ।