सिरहामा गाँजा तस्करीमा संलग्न एम्वुलेन्स र चालकलाई प्रहरीले नियन्त्रण लिएको छ। एम्बुलेन्सबाट ९० किलो गाँजा बरामद भएको छ। गाँजा बरामद भएपछि एम्बुलेन्स चालकलाई प्रहरीले नियन्त्रणमा लिएको छ ।

सोमवार राती पूर्व–पश्चिम राजमार्ग अन्तर्गत लहान नगरपालिका–१ मा को १ च ७५७७ नम्बरको एम्बुलेन्सबाट गाँजा बरामद भएको प्रहरीले जनाएको छ । सवारीसाधन जाँच गर्ने क्रममा गाँजा बरामद भएको प्रहरी निरीक्षक रामचन्द्र साहले जानकारी दिए ।

एम्बुलेन्सको पछाडि बिरामी राख्ने भागमा ५ वटा बोरामा प्याक गरेर राखिएको अवस्थामा गाँजा र २८ हजार रुपैयाँ नगद बरामद भएको उनको भनाई छ । गाँजा बरामद भएपछि एम्बुलेन्स चालक सिरहाको धनगढीमाई नगरपालिका–९ बस्ने २९ वर्षीय सरोज लामालाई प्रहरीले नियन्त्रणमा लिएको छ ।

घट्ना बारे थप अनुसन्धान भइरहेको इलाका प्रहरी कार्यालय लहानले जनाएको छ । 
 

गाँजा