पछिल्लो २४ घण्टामा ८१४ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ५ हजार ४१५ जनाको परीक्षणमा ८१४ जनामा संक्रमण पुष्टि भएको हो ।

२ हजार ७६२ जनाको पीसीआर परीक्षण गर्दा ५०९ जना र २ हजार ६५३ जनाको एन्टीजेन परीक्षण गर्दा ३०५ जनामा संक्रमण देखिएको हो। योसँगै कोरोना भाइरसका सक्रिय संक्रमितको संख्या ५ हजार १४४ पुगेको छ ।

ति मध्ये ४ हजार ९८५ जना होम आइसोलेसनमा छन् भने १५९ जना संस्थागत आइसोलेसन र ३८ जना आईसीयूमा छन् । ५ जनाको भेन्टिलेरमा राखेर उपचार भइरहेको छ।

पछिल्लो २४ घण्टामा २९९ जना संक्रमणमुक्त भएका छन् । नेपालमा कोरोना संक्रमितको कुल संख्या ११ लाख ३० हजार ९३८ पुगेको छ ।