माओवादी निकट विद्यार्थी संगठनका पूर्वअध्यक्ष रञ्जित तामाङले नेकपा एमालेका अध्यक्ष केपी शर्मा ओली विरुद्ध चुनाव लड्ने घोषणा गरेका छन् । नेकपा माओवादी केन्द्रका केन्द्रीय सदस्यसमेत रहेका तामाङ्गले ओलीको निर्वाचन क्षेत्र झापा क्षेत्र–५ बाट उम्मेदवारी दिने वताएका हुन।

विहिवारको मन्त्री परिषद बैठकले मंसिर ४ गते चुनावको मिति घोषणा गरेपछि तामाङले ओलीसँग चुनाव लड्ने सार्वजनिक गरेका हुन् । तर, उनले टिकट पाउने नपाउँने टुङ्गो लागेको छैन। पाँच दलीय गठबन्धनले टिकट पाए चुनाव लड्ने बताएका हुन। । तर, उनी स्वयमले भने गठबन्धनबाट आफूले टिकट पाउँने जिकिर गरेका छन्।

झापा क्षेत्र नं. ५ मा ०७४ सालको चुनावमा ओली ५७ हजार १ सय ३९ मत ल्याएर विजयी भएका थिए । प्रतिद्वन्द्वी काँग्रेसका खगेन्द्र अधिकारीले २८ हजार २ सय ९७ मत ल्याएका थिए । त्यतिबेला कुल १ लाख ३७ हजार ५१४ मत रहेकोमा ९३ हजार ४८ मत खसेको थियो ।