भारतीय अनुदान सहयोगमा रुपन्देहीको रोहिणी गाउँपालिका, धकधईमा अवस्थित श्रीराम नरेश यादव आदर्श माध्यमिक विद्यालय भवनको आईतबार उदघाटन गरिएको छ। गृहमन्त्री बालकृष्ण खाण र नेपालका लागि भारतीय राजदूत नवीन श्रीवास्तवले संयुक्त रुपमा भवन उदघाटन गरेका हुन।

भारत–नेपाल विकास सहकार्य कार्यक्रम अन्तर्गत भारत सरकारको नेरु २ करोड ९ लाख लागतमा निर्माण गरिएको विद्यालय तथा प्रयोगशाला भवन उदघाटन गरिएको दुताबासले जनाएको छ। जिल्ला समन्वय समिति रुपन्देहीले उच्च प्रभाव सामुदायिक विकास परियोजनाको रुपमा यस परियोजनाको कार्यान्वयन गरेको हो ।

भारत स्वतन्त्र भएको ७५ वर्षको उत्सव मनाउन भारत सरकारले अघि सारेको ‘आजादीका अमृत महोत्सव’ अन्तर्गत यस वर्ष नेपालमा उदघाटन गरिने ७५ वटा परियोजनाहरु मध्ये यो एक हो ।

सन् २००३ यता भारतले नेपालमा ५३२ भन्दा बढी उच्च प्रभाव सामुदायिक विकास परियोजनाहरु अघि बढाइसकेकोमा स्वास्थ्य, शिक्षा, खानेपानी, कनेक्टिभिटि, सरसफाई र अन्य सार्वजनिक सुविधाका क्षेत्रमा नेपालका सातै वटा प्रदेशमा ४७५ वटा परियोजना सम्पन्न भइसकेका छन् ।

ती मध्ये रुपन्देही जिल्लाका १२ गरी लुम्बिनी प्रदेशमा ६० वटा रहेका छन् ।